ХОСПИСТЕР

 

 

Енгізілген күні - 2005.01.01.

 

1 ҚОЛДАНУ САЛАСЫ

 

1.1 Осы нормалар мен ережелер сәулет, қала құрылысы және құрылыс, сондай-ақ санитарлық-эпиде­миология саласындағы нормативтік құжаттарды және  ҚР аумағында қолданылып жүрген санитарлық-эпиде­миологиялық нормалар мен ережелерді дамытуда ҚР ҚНжЕ 1.01-01-2001 талаптарына сәйкес әзірленген.

1.2 Осы нормалар мен ережелердің талаптары жаңа және қайта жаңартылатын ғимараттарды неме­се қолданыстағы мекемелердің үй-жайларын хоспис­терге жобалауға  таратылады.

1.3 Осы нормалар мен ережелер хоспистерді орна­ластырудың, учаскесінің, аумағының, сәулет-жоспарлық шешімдердің және инженерлік қамтамасыз етудің негізгі ережелері мен талаптарын белгілейді.

1.4 Осы нормалар мен ережелердің негізіне хоспистің қызметтік-ұйымдастыру және медициналық-технология­лық ерекшеліктерін ескере аурухана мекеме­лері мен палаталық бөлімшелерді ұйымдастырудың жалпы қабыл­данған принциптері  қабылданған.

1.5 Осы құрылыс нормалары және ережелерінің (ҚР ҚНжЕ) қағидалары Қазақстан Республикасының аумағында бақылау және қадағалау органдарымен, ұйымдық-құқықтық нысанына және меншік нысанына қарамастан жобалау, құрылыс, қайта жаңарту, қайта жарақтандыру мен жаңғыртуды жүзеге асыратын  жеке және заңды тұлғалармен қолданылуға жатады.

1.6 Нақты объектілер бойынша, негізделген жағдай­ларда, осы ауытқуларды теңгеру шаралары болғанда, тұрғындардың санитарлық-эпидемиологиялық есендігі облысындағы, ҚР сәулет, қала құрылысы және құрылыс істері жөніндегі уәкілетті органдармен осы нормалар және ережелерден (ҚР ҚНжЕ) ауытқу келісіледі.  

1.7 Хоспистердің ғимараттарын жобалаған кезде осы нормативтің талаптарынан басқа ҚР құрылыс жағдайының ерекшелігін есепке ала отырып, басқа нормативтік құжаттардың талаптарын ескеру керек.

 

2 НормативТІК СІЛТЕМЕЛЕР

 

Осы құрылыс нормалары және ережелерінде келесі стандарттар мен нормативтік құжаттарға сілтемелер берілген:

ҚР ҚНжЕ 1.01-01-2001 Сәулет, қала құрылысы және құрылыс саласындағы мемлекеттік нормативтер. Негізгі ережелер.

ҚР ҚНжЕ 2.02-05-2002 Ғимараттар мен имараттар­дың өрт қауіпсіздігі.

ҚР ҚНжЕ 2.04-01-2001 Құрылыс климатологиясы.

ҚР ҚНжЕ 2.04-05-2002* Табиғи және жасанды жарық­тандыру.

ҚР ҚНжЕ 3.01-01-2002* Қала құрылысы. Қалалық және ауылдық елді мекендерді жайғасымдау және салу.

ҚР ҚНжЕ 3.02-01-2002* Тұрғын ғимараттар.

ҚР ҚНжЕ 3.02-02-2001 Қоғамдық ғимараттар мен имараттар.

ҚР ҚНжЕ 3.02-03-2003  Едендер.

ҚР ҚНжЕ 4.01-02-2001 Сумен қамту. Сыртқы желілер мен имараттар.

Ресми басылым

ҚР ҚНжЕ 4.02-05-2001* Жылыту, желдету және ауабаптау.

ҚР ҚНжЕ 4.02-08-2003 Қазандық қондырғылар.

ҚНжЕ 2.04.01-85* Ғимараттың ішкі су құбыры мен  канализациясы.

ҚНжЕ 2.04.03-85 Канализация. Сыртқы желілер мен имараттар.

ҚР ҚНжЕ 2.02-15-2003 Имараттар мен ғимараттар­ды өрттік  автоматтандыру

Денсаулық сақтау мекемелерін жобалау жөніндегі ҚНжЕ 2.08.02-89* (ҚР ҚНжЕ 3.02-02-2001) оқу құралы.

ҚР ҚН 2.02-11-2002 Ғимараттарды, үй-жайлар мен имараттарды автоматты өрт дабылы жүйелерімен, өрт сөндіру және адамдарды өрт туралы хабарландырудың автоматты қондырғыларымен жабдықтау нормалары.

ҚР ҚЕ 3.02-01-2002 Жылы едендерді орнату.

ҚР ҚН 4.04-23-2004 Тұрғын және қоғамдық ғимарат­тардың электр жабдықтары. Жобалау нормалары. (ВҚН 59-88* орнына).

МҚН 3.02-05-2003 Ғимараттар мен имараттардың халықтың  аз  әрекетті  топтары  үшін  қолжетімділігі.

СанЕжН 3.01.083.02 Аурухана  ұйымдарын  және ана мен баланы қорғау ұйымдарын орналастыру және ұстау талаптары. Қазақстан Республикасы Әділет министрлігін­де 2002 жылдың  8 шілдесінде тіркелген. Тіркеу № 1913.

ЭҚЕ Электр қондырғыларын орнату ережелері,  Қазақстан Республикасы, Астана, 2003.

ЕЖ 2.6.1.758-99 Радиациялық қауіпсіздік норма­лары (РҚН-99).

 

3 АНЫҚТАМАЛАР

 

Осы нормалар мен ережелерде тиісті анықтама­ларымен мынадай терминдер қолданылады:

3.1 Қауіпсіздік – тұруға қолайлы жағдайлар жасау, сондай-ақ өрт қауіпсіздігі.

3.2 Волонтер – өз еркімен қызметке келген тұлға, ерікті.

3.3 Инкурабельді – емделмейтін. Бұл науқастың жағдайы, мұнда жағдайының жалпы нашарлауы немесе жергілікті патологиялық процесс адам өмірін сақтап қалу не денсаулығын, еңбекке қабілеттілігін толық қалпына келтіру мүмкіндігін  жояды.

3.4 Жайлылық – стационардағы жағдайды мүмкін­дігінше үйдегі жағдайға жақындатуды қамтамасыз ету, әрбір науқасқа оның жағдайын, рухани, діни және әлеу­меттік қажеттіліктерін ескере отырып жеке қарау прин­ципін жүзеге асыру.

3.5 Пандус — (көлбеу беткей) әртүрлі деңгейде орналасқан беттерді байланыстыратын көлбеу жазық коммуникациялық құрылым.

3.6 Аурудың терминалдық сатысы – өмірінің соң­ғы сатысы – преагония, агония немесе клиникалық өлім; өмір мен өлім арасындағы өтпелі жағдай.

3.7 Функционалдық аймақтар – белгілі бір нышан­дармен сипатталатын, қандай болса да қызметпен бай­ланысты қандай да бір шекаралар арасындағы кеңістік, мысалы автомат-телефон жанындағы аймақ, үстел жа­нындағы аймақ, кафетерий тіреулерінің жанындағы ай­мақ және т.б.

3.8 Хоспистер – аурудың терминалдық сатысында көбінесе онкологиялық науқастарға медициналық, әлеу­меттік және психологиялық көмек көрсетуге және олар­дың туыстарын психологиялық қолдауға арналған ден­саулық сақтау мекемесі.

 

4 НЕГІЗГІ ТАЛАПТАР

 

4.1 Осы нормалар мен ережелердің талаптары аурудың терминалдық сатысында көбінесе онколо­гиялық науқастарға медициналық, әлеуметтік және психологиялық көмектің қажетті деңгейін қамтамасыз ететін ортаны қалыптастыруға және олардың туыс­тарын психологиялық қолдауға бағытталған.

4.2 Мақсатына сәйкес хоспистер мыналарды жүзеге асырады:

- пациенттерді қабылдау және орналастыру;

- аурулардың диагностикасы;

- пациенттердің тіршілік әрекетін білікті қолдау;

- қарау және әлеуметтік оңалту;

- туысқандарын ауыр науқасқа қарау машықтарына үйрету;

 - симптомдық емдеу жүргізу бойынша қажетті көмек көрсету және пациенттерге үйде білікті қарауды ұйымдастыру.

4.3 Хоспистер мыналарды қамтамасыз етеді:

- госпитальденген тұлғаларды күн сайын дәрігер­лік қарау;

- дәрігерлердің ұсынысы бойынша созылмалы аурулары бар науқастарға кеңестік көмек көрсету;

- аурудың терминалдық сатысында онкологиялық науқастарға үйде медициналық көмек көрсету;

- психологиялық көмек және баламалы симптом­дық терапия;

- тамақтану, оның ішінде дәрігерлік ұсыныстар бо­йынша емдәмдік. 

4.4 Хоспистерді тұрғындары 250 мың адам және одан артық тұрғын аудандарда қарастыру ұсыны­лады. Тиісті негіздеме болған кезде хоспистерді тұр­ғындарының саны аз аудандарда қарастыруға рұқсат беріледі.

4.5 Хоспис стационарларының қуаттылығы 25-тен 30 төсек шегінде ұсынылады, 60 төсекке дейін артуы мүмкін.

4.6 Азаматтық қорғаныс іс-шараларының қажетті­лігі әрбір нақты жағдайда жабалау тапсырмасымен анықталады.

 

5 Орналастыруға, учаскесі мен

аумағына қойылатын талаптар

 

5.1 Хоспистерді санитарлық-эпидемиологиылық жағдайы едәуір қолайлы, қоныстану немесе жасыл аймақтардағы жер учаскелеріне орналастыру керек.

Хоспистердің онкологиялық бейінді науқастарға арналған және онкологиялық емес бейінді инкура­бельді науқастарға арналған бөлімшелерін ересек тұр­ғындарға арналған көп бейінді немесе мамандандырылған ауруханалардың ем корпустарында орналастыру керек.

5.2 Учаске ауданы, хоспистердің сыйымдылығы, құрамы жобалау тапсырмасымен анықталады.

5.3 Учаскелерді таңдау кезінде науқастар мен олар­дың туыстарының жүріп-тұруына қолайлылығын, қол­даныстағы ауруханалар мен құдайға қызмет ету ғима­раттарына жақын болуын қарастыру ұсынылады.

5.4 Хоспистер жер учаскелерінің мөлшері гараж бен жазғы тұрақ ауданын қоспағанда хоспис стацио­нарының 1 төсегіне 500 м² кем емес есебімен қабыл­дануы тиіс.

Қалалық тығыз құрылыс жағдайында жер учаске­сінің шекті көрсеткішін (1 төсекке м²) азайтуға рұқсат беріледі, бірақ 20-25 % көп емес.

5.5 Хоспистредің жер учаскелерінде биіктігі 1,6 м кем  емес қоршау болуы керек. 

5.6 Ғимаратты құрылыстың қызыл сызығынан, сон­дай-ақ тұрғын және қоғамдық ғимараттардан 30 м ара қашықтықта орналастырылуы керек.

5.7 Хоспистредің жер учаскелерінде функциялық байланысты ғимараттар мен имараттарды ғана орна­ластыру керек.

5.8 Хоспистердің аумағын абаттандыру Қа­зақстан Республикасы аумағында қолданылып жүрген сәулет, қала құрылысы және құрылыс сала­сындағы мемлекеттік нормативтердің талаптарына сәйкес жүзеге асырылуы тиіс.

5.9 Ғимараттар мен имараттарды учаскеде орналастыру кезінде:

- учаскедегі жаяу жүргіншілер мен көлік ағын­дарын бөлу;

- барлық функционалдық аймақтар мен учас­келердің алаңшаларына, сондай-ақ кірулерге, абаттандыру элементтеріне  қозғалыстың қолай­лы жолдарын қамтамасыз ету;

- кешен ғимаратына, бір учаскеде жеке тұрған объектілермен пайда болған кіру және шығу ара­сындағы байланысты мүмкіндігінше жабық қысқа өткелдермен қамтамасыз ету;

- келетін жолдарды стационар палаталары терезелерінің алдында жобаламау керек;

- өліктерді сақтауға арналған үй-жайдың сырт­қа шығатын жолы хоспистің басқа қызметтері мен үй-жайларына баратын жолдардан бөлек болуы керек.

5.10 Хоспистер аумағына екі кіреберіс, кіре­берістің бірі – шаруашылық болуы керек. Әр ғимаратқа екі қарама-қарсы жақтардың кіреберіс­тері қарастырылуы тиіс. Аумақтарға кірген жағ­дайда  ауызүйлерді қарастырады.

5.11 Хоспистерді қала сыртына орналастырған жағдайда қызметкер тұратын аймақ ауданы телім ауданына қосымша қабылдауға болады.  

5.12 Қызметкер тұратын аймаққа оқшауланған телімде оқшау кіреберісі бар мекеменің жанында орналастыруға рұқсат беріледі.

Қызметкердің тұратын аймағында демалыс, киім жаятын, қоқысжинау алаңшаларын орналас­тыруға рұқсат беріледі.

 

Е с к е р т у - қызметкердің жеке тұру аймағын ұйымдастырған жағдайда оны жобалау нормативтері  ҚР ҚНжЕ 3.01-01-2002* Қала салу. Қалалық және ауылдық жерлерді жайғасымдау және салу талап­тарына сәйкес қабылданады.

 

5.13 Елдімекендерді салу, өнеркәсіп объекті­лерінен, көлік магистральдарынан және т.б. жүйе­сіндегі хоспистерді орналастыру мәселелері, сон­дай-ақ табиғатты қорғау іс-шаралары Қазақстан Республикасының аумағында қолданылып жүрген нормативтік құжаттардың қала құрылысы талап­тарына сәйкес шешу керек.

5.14 Хоспистер аумағы көгаландырылуы тиіс. Жасыл екпелер ауданы телім ауданы кемінде 60 пайыз есебінен қабылдануы керек. Телімді көгалданды­ру ағаштар мен бұтақтардың топтық және қатар­лап отырғызу көшеттері, әрлендіру өсімдіктері, гүлбақшалары мен гүлзарлары кіреді. Табиғи жарық­тандыру коээфициентін төмендетудің алдын алу мақсатында талдар үшін сыртқы қабырғадан кемінде 5 м және ағаштар үшін кемінде 10 м қашықтықта терезелер алдында жасыл екпе ағаштарын отыр­ғызу қарастырылуда. 

5.15 Ішкі тараптарды қоршау периметрі бойын­ша ені кемінде 5 м және биіктігі кемінде 2 м жасыл екпе ағаштары жолағын отырғызу ұсынылады.

5.16 Хоспистердің аумағын көғаландыру үшін ашық түсті ағаштар, жайылған желектері бар: шетен, үйеңкі, қайың және т.б. ағаштары түрлерін қолдануға болады.

5.17 Серуенге арналған бағдарлар арбаларды пайда­лана отырып жобалануы тиіс. 

5.18 Санитарлық автокөліктің орталық базасы бол­маған жағдайда, хоспис аумақтарында жобалау тап­сырмасы бойынша автомашиналардың гаражы мен жаз­ғы тұрағын салу қарастырылуда.

5.19 Хоспистердің ғимараттары мен құрылыс­тарын жобалаған жағдайда белгіленген өртке қар­сы нормалармен, санитарлық-эпидемиологиялық ережелер және нормалармен, гигиеналық норма­тивтермен, технологиялық жобалау нормалары­мен бірге қосымша талаптары сақталуы тиіс, сон­дай-ақ Қазақстан Республикасының құрылыс теліміне радиациялық қауіпсіздік талаптары ескерілуі керек.

Жобалау және құрылыс салған жағдайда ғима­раттар құрылымдарын, оның ішінде үйасты қаба­ты еденін (немесе техникалық үйасты қабаты) қор­шауға радонға қарсы қорғаныстарды ҚР ҚНжЕ 3.02-03-2003 сәйкес ескерілмейді.  

 

6 Көлемді ЖАЙҒАСЫМДАУ шешімдеріне

ҚОЙЫЛАТЫН талаптар

 

6.1 Хоспистер ғимараты бірінші қабатта орналас­қан стационардың екі қабатынан жоғары емес болуы тиіс.

6.2 Хоспистер үй-жайларының құрылымы, құрамы және ауданы осы бөлімнің ҚНжЕ 2.08.02-89* (ҚР ҚНжЕ 3.02-02-2001) денсаулық сақтау мекемелерін жобалауға арналған құралдар және ұсынылған 1-қо­сымшасының талаптарына сәйкес осы мекемелердің міндеттері мен қызметтерін ескере отырып, жобалау тапсырмасымен анықталады.

6.3 6.1-суретте хоспистері ғимараттары жекеле­ген топтары қызметтік өзара байланысының үлгі сызбанұсқасы келтіріледі. 

Ұсынылған 1-қосымшада 30 төсекке арналған стационары бар хоспис үй-жайларының үлгі құрылы­мы, құрамы мен ауданы берілген:

- вестибюльдік топ және науқастарды қабылдау;

- 30 төсек орынды стационар;

- шығу қызметі;

- әкімшілік-шаруашылық, тұрмыстық және қосалқы қызметтер;

- тамақ дайындау қызметтері.

6.4 Келушілерге арналған вестибюль-гардеробы­ның ауданы бір келушіні кемінде 0,5 м² қабылдау ұсынылады. Хоспистер стационары келушілерінің саны төсектер санынан 240 % тең санымен қабылданады.

6.5 1 төсекке арналған палаталар ауданын кемін­де 22 шаршы метр болуы керек.  

2 және одан көп төсектерге арналған палаталар ауданын 1 төсекке кемінде 14 шаршы метр қабыл­дануы керек.

4 төсекке арналған палаталар ауданы 1 төсекке кемінде 14 шаршы метр қабылдауға болады. 

Палаталар  шкафтары мен санитарлық тораптары қоса салынған, дәретхана, жуыну орны және себез­гіден тұратын шлюзбен (шлюзден кіруге) жобалауға болады. 

6.6 Хоспистер стационарлары палаталарының сыйымдылығы 4-тен аспайтын төсек болуы керек.

6.7 Кезекші медбикелердің постыларын бір посты­ға 5 науқастан аспайтын есепте әр шаршы метрі 6-дан кем емес жобалануы керек.

6.8 Палаталық бөлімшелерде емдеу, бақылау және науқас адамды күту жүзеге асырылады. Хоспис палаталық бөлімшелерінің саны және олардың үй-жайлары құрамы медициналық-технологиялық ерек­шеліктерін, мекеменің шарттастырылған қызметтері мен емдеу-профилактикалық процесі сипатын ескере отырып, олардың жұмысын ұйымдастыру жалпыға бірдей қабылданған ұстанымдарға сәйкес жобалау тапсырмасын анықтайды.

6.9 Палаталық бөлімшелерді жобалаудың меди­циналық-технологиялық ерекшеліктері:

- палаталар және дәліздер арасындағы ауаны ағыстарын шектеу мақсатында ауруішілік жұқпалар­ды таратудың алдын алу үшін барлық палаталар шлюзбен жобалануы керек;   

- палаталар ауданы науқастардың және палатаға олардың туыстарының келуі мен күтуге тартылатын еріктілердің психологиялық  сыйымдылығына қарай олардың жатын орындары сыйымдылығын реттеу үшін  жеткілікті болуы тиіс;

- сантораптар палаталарға өте жақын болуы тиіс;

- есік ойықтары мен дәліздер арба-креслоларда және жатын каталкаларындағы науқастарға қайта жылжу мүмкіндігін қарастыруы тиіс;

- науқастарға арналған палаталар, сантораптар және басқа үй-жайлар тұтқалармен, қол тұтқалары­мен, иінтіректермен және басқа жүк түсіру түріндегі бейімдеулермен жабдықталуы керек;

- палаталық бөлімшеде құдайға қызмет ету, екітілердің демалу және үй тағамдарын жылытуға арналған үй-жайлар қарастырылуы тиіс;

- хоспистердің үй-жайларын ішкі әрлеу және интерьерді шешу үйге жақын орналасқанда олардың атқарымдық белгілеулерін сәйкестендіруге және жағ­дай жасауына мүмкіндік етуі тиіс.

- ғимараттардың ішкі әрлеуінің санитарлық-эпиде­миологиялық сапасы СанЕжН талаптарына сәйкес келуі керек.

6.10 Аурухана аумақтарынан тыс жобаланатын хоспистер үшін стерилизациялық, дәріханалық бөлу орны және тоңазытқыш қондырғысы бар өліктерді уақытша  сақтау  үй-жайы  қосымша  қарастыры­лады.

6.11 Тағам дайындау қызметінің үй-жайы арнайы бөлінген учаскелерде қолданыстағы ауруханалардың аумақтарынан тыс орналасқан хоспистер үшін ғана жобаланады. Осы бөлмелердің құрамы хоспис қуат­тылығына қарай олардың жұмыстарын ұйымдас­тыруда жалпыға бірдей қабылданған ұстанымдармен және қолданыстағы жобалау нормаларына сәйкес жобалау тапсырмасы анықталады.

 

 

 

 

 

Байланыстардың белгісі:

аурулар

персонал

Әкімшілік-шаруашылық қызметтің жайлары

Тамақ әзірлеу қызметінің жайлары

Қызметтік-тұрмыстық жайлар

Қабылдау бөлімшесі

Мамандандырылған және көмекші кабинеттер мен жайлар

Стационар       Палталық бөлімшелер

Жайлардың вестибюльдік тобы

келушілер

 

 

 

6.1-сурет Хоспис үй-жайлары топтары функционалдық байланыстарының сызбасы

 

 

 

 

 

 

 

 

 

6.12 Ғимараттың қоршау және көтергіш құрылым­дары тиісті нормативтік құжаттардың талаптарына сәйкес қабылдануы керек.

Құрылымдардың олардың тиімділік және эконо­микалық жағынан мақсатқа сәйкестігі есепке алына отыра құрылыстың нақты алаңы жағдайында қабыл­дануы керек.

6.13 Бір төсектік палатаның ені 3,6м кем болмауы тиіс.

6.14 Хоспис стационарлары дәліздерінің ені 2,8 м кем болмауы, ал басқа бөлмелер үшін 1,8 м кем бол­мауы тиіс.

6.15 Ауруларға арналған бөлмелердің есік ойық­тарының ені 1,1 м кем емес, ал басқа бөлмелер үшін 0,9 м кем емес деп қабылдау керек.

6.16 Дәретхана кабиналарының көлемі науқас­тар үшін ені кемінде 1,65 м және бойлығы 1,8 м кем болмауға тиіс.

6.17 Көмекші құралдар мен науқастарға арнал­ған арнайы жабдықтарды (тіректер, тұтқалар, иін­дер сырықтар және т.б.) орнату МҚН 3.02-05-2003 талаптарына сай жүзеге асырылуға тиіс.

6.18 Көпсалалы және арнайы мамандандырылған ауруханалардың палаталарын хоспис бөлімдеріне лайықтауды жергілікті жағдайларға байланысты олардың жоспарлы орналасуының медицина-технологиялық үде­рістерін сақтай отыра жүргізген жөн.

6.19 Көпсалалы және арнайы мамандандырылған ауруханаларда хоспис бөлімінің төсектік сыйымдылығын лайықталатын бөлменің ауданына және бөлімнің жұмыс ауданының меншікті көрсеткішіне байланысты анықтаған жөн. (1 төсекке  м² ).

6.20 Хоспис ғимараттарына кіреберістерді атмо­сфералық ылғалдардан жабулармен, аспалармен қорғау керек және кіреберістерде өлшемі кемінде 1000×2500 мм орындық-бесікпен маневр жасауға жеткілікті суғарлары бар, ал жергілікті климат жағ­дайларына байланысты –жылытылатын алаңша ескерілуі тиіс.

Пандусты жылыту ҚР ҚН 3.02-01-2002 норма­тивтік құжатына сәйкес электр (кәбілдік) жүйе құрылғысымен орындалуға тиіс.

6.21 Кіреберіс есіктер бірінен кейін бірі орна­тылған болса, онда бір жаққа ғана ашылатын есіктердің кіреберіс тамбурларының ені ең кем дегенде 1500 мм бойлығы да 1500 мм кем бол­мауы тиіс. Есіктің алдындағы және одан кейінгі бос алаңшалардың ені де 1500 мм кем болмауы керек.

6.22 Хоспистардың екі қабатты ғимараттары лифтілермен және пандустармен жабдықталады.

6.23 Сатылар, лифтілер, пандустар ҚР ҚНжЕ 3.02-02-2001 «Қоғамдық ғимараттар мен имараттар» 1 және 4-тарауларының талаптарына сәйкес жоспарланғаны жөн.

6.24 Бірінші қабаттың топырақтан басталатын едені техникалық есептеулерге сәйкес жылыту қон­дырғысымен салынуға тиіс.

6.25 Есіктер көшірілетін бағыт бойынша дәліз­ге қарай ашылуы керек.

6.26 Көшетін жол ҚР ҚНжЕ 3.02-02-2001 1- тара­уының талаптарына сәйкес жобалануға тиіс.

6.27 Қабаттың биіктігі 3,3 немесе 3,6 м деп қабылданады.

6.28 Палаталардың жабдықталуында теледи­дар мен розеткалардың және антенналардың ор­натылуы ескерілуге тиіс.

6.29 Көшпелі бригадалардың, диспетчерге ар­налған орынды қоса алғандағы, бөлмесінің ауда­нын былайша анықтау ұсынылады: 1 бригада болғанда - 22 м² кем емес, бригадалардың  саны 2 болғанда - 24 м² кем емес, бригадалардың саны 3 болғанда - 38 м² кем емес.

6.30 Хоспис бөлмелерін табиғи жарықтандыру және инсоляциялау ҚР ҚНжЕ 3.02-02-2001 1-тарауы­ның талаптарына сәйкес жобалануға тиіс.

 

7 ИНЖЕНЕРЛІК ҚАМТАМАСЫЗ ЕТУГЕ

ҚОЙЫЛАТЫН ТАЛАПТАР

 

Жалпы талаптар

 

Хоспис ғимаратын инженерлік жабдықтау жүйелеріне жатқызылатындар:

- сумен жабдықтау және канализация жүйелері мен құрылғылары;

- жабдықтау және желдету жүйелері мен құрылғы­лары;

- электржабдықтау жүйелері мен құрылғылары;

- байланыс және дабыл құрылғылары.

 

7.1. Сумен жабдықтау және канализация жүйелері мен құрылғылары

 

7.1.1 Сумен жабдықтау және канализация жүйелерін жобалағанда Қазақстан Республикасының аумағында қолданылатын  суық, ыстық, өртке қарсы сумен жабдық­тау мен канализацияның ішкі тораптарын, сумен жаб­дықтау мен канализацияның сыртқы тораптары және имараттарын жобалау жөніндегі ҚР ҚНжЕ талаптары, сондай-ақ осы тараудың нұсқаулары орындалады.

7.1.2 Хоспис ғимараттары ыстық және суық сумен жабдықталуы және канализация жүйелерімен жабдық­талуы тиіс. Орталықтандырылған немесе жергілікті тораптарға қосу қиын болған немесе мүмкін болмаған жағдайда, Қазақстан Республикасының Мемлекеттік қызметтерімен келісім бойынша сумен жабдықтау мен канализацияның автономды жүйесін қолдануға жол беріледі.

7.1.3 Науқастарға қолжетімді санитарлық-тұрмыстық бөлмелерде суық және ыстық су және канализация болуға тиіс. Кабиналарында аспаптар кешені қолда­нылған санитарлық тораптарда унитаздың үстінде оты­рып жуғыштарды пайдалану мүмкіндігін ескеру ұсыны­лады.

7.1.4 Санитарлық тораптардың барлық бөлмелерінің едендерінде су ағатын траптар болуға тиіс.

7.1.5 Траптардың торларының тесігі 0,01 м-ден үлкен болмауға, сондай-ақ судың жылжу бағытына қатысты орналасқан саңлаулардың ұзын бойы мен диагональді тесіктері (30⁰ және одан да аз) болуға тиіс.

7.1.6 Жуынатын, дәретхана, аралас санитарлық торап­тарда сүлгікептіргіштердің болуын ескеру керек.

7.1.7 Санитарлық-техникалық аспаптарға ыстық және суық суды беруді (технологиялықтан басқа) суды авто­матты араластыру мен жіберуді ескеру керек.

7.1.8 Жуғыштар, адам оларға таянбай тұра алмайтын болса, оның салмағын ұстап тұра алатындай қабырға­ларға берік бекітілуге тиіс.

7.1.9 Ыстық сумен жабдықтау жүйесі циркуляциямен жобаланады.

7.1.10 Суық және ыстық судың, канализацияның және ішкі суағарлардың тіктемелері тасаланып салынады.

7.1.11 Ішкі және сыртқы өрт сөндіруге жұмсалатын су мөлшерінің жұмсалу нормалары  ҚР ҚНжЕ 2.04.01-85*, ҚР ҚНжЕ 4.01-02-2001 талаптарына сәйкес қабылдануға тиіс.

 

7.2. Жылумен жабдықтау, жылыту және желдету жүйелері мен құрылғылары

 

Жылумен жабдықтау

 

7.2.1 Хоспистар жылумен жабдықтаудың сенімді­лігі бойынша 1-ші санатқа жатқызылады.

7.2.2 Жылыту жүйелерін жобалағанда тәуелсіз көздерден жылу берудің екі жерден немесе тұйық­талған магистральдарынан енгізілуі ескеріледі. Жылу беру бір жерден ғана енгізілсе, жеке немесе жапсар­лас жобаланған телімде резервтік қазандық еске­ріледі.

7.2.3 Резервтегі қазандықтың жылыту қуаты пала­талар мен емдеу бөлмелерін жылытуға жұмсалатын жүктемемен өлшенеді, қалған бөлмелер үшін жылу кезекшілік жылыту мөлшерінде ғана ескеріледі.

7.2.4 Хоспистерді жылыту сырт ұйымдардың қазандықтарынан жүргізілсе, резервтік құбыр тарту ескерілуге тиіс.

7.2.5 Жылыту көздері болмаған жағдайда өз қазандығын салу ескерілуі керек.

7.2.6 Су жылыту қазаны бар резервтік қазан­дықтарда ыстық сумен жабдықтаудың күбі-аккуму­ляторлары ескерілмейді.

7.2.7 Сырт ұйымдардың жылу көздерінен жылу­мен жабдықтағанда жылуды есептеудің автоматты бекеті ескеріледі.

7.2.8 Газбен жұмыс істейтін қазандықтар үшін резервтік отын қоймасының көлемі ҚР ҚНжЕ II -35-2001 т. 5.42 сәйкес анықталады.

7.2.9 Хоспис ғимаратының үйасты қабаттары мен техникалық едендері арқылы жылумен қамтудың өтпелі құбырларын жүргізуге жол берілмейді.

7.2.10 Топырақ сулары деңгейінің жоғары жер­лерінде (1,2 м және жердің тегістелген бетінен одан да төмен) телімдерде орналасқан хоспистарға жылу торабын тарату төмен тіректі, ал өтпе және жүргін жерлерде биік тіректі ауа жолдарымен жүргізіледі.

7.2.11 Бумен жабдықтау технологиялық тап­сырмаларда белгіленетін бөлмелер үшін еске­ріледі.

7.2.12 Қатты ысытылған су мен бу жүретін құбыр­ларды жеке жылу бекетінен (ЖЖБ) ағынды вентка­мераларға дейін адамдар тұрақты келіп тұратын бөл­мелер және көшу жолдары арқылы жүргізуге тыйым салынады.

 

Жылыту

 

7.2.13 Хоспис ғимаратын жылыту орталықтан­дырылған сумен жылыту деп қабылданады.

7.2.14 Ауаның есепті температурасы мен бөлме­лердің ылғалдылығы ҚР ҚНжЕ 4.02-05-2001* сәйкес қабылданады.

7.2.15 Жылыту аспаптарының беттік орташа температуралары былайша болу керек:

- 80°С хоспистардың палаталары мен емдеу мекемелері үшін;

- 95°С хоспистың қалған бөлмелері үшін.

7.2.16 Жылыту жүйесін қасбет бойынша реттеу және тоқтату жобалау тапсырмаларында ескерілуі керек.

7.2.17 Жылыту жүйесінің қыздыру аспаптары ұң­ғымасыз терезелер астында орналастырылады.

Негізделген жағдайда қыздырудың жетпей тұрған бетін ішкі қоршауларда орналастыруға жол беріледі.

7.2.18 Жылыту жүйелерінде тазалап алуға жеңіл қыздырудың беті тегіс аспаптары қолданылады.

7.2.19 Жылыту жүйесінің, ауаны желдету және баптау құбырларын ғимараттың жабындары, бөл­гіштер мен қабырғалар арқылы жүргізген жағдайда гильзалармен тығыздау ескеріледі.

 

Ауаны желдету және баптау

 

7.2.20 Хоспис ғимараттарында механикалық іске қосылатын ауаны тарту-шығару желдету ескеріледі.

Биіктігі 3 қабаттан аспайтын жеке тұрған ғима­раттар үшін табиғи сору желдету ескеріледі. Мұн­дайда механикалық іске қосылатын және дәлізге ауа жеткізетін ағынды желдету ескеріледі.

7.2.21 Зарасыздандыру заттары, қышқылдардың және сілтілердің ағымдағы қоры сақталатын бөмелер мен палаталарда ағынды ауаның орталықтан бері­луінсіз табиғи сору желдетуіне жол беріледі (биіктігі 3 қабаттан аспайтын жеке тұрған ғимарат үшін).

7.2.22 Ұйымдасқан түрдегі ағынсыз механикалық жолмен сорылып желдету мына бөлмелерден ес­керіледі:

- автоклавтар, жуатын;

- санитарлық-тұрмыстық бөлмелер.

7.2.23 Санитарлық-эпидемиологиялық талаптар және жұмыс уақытының ұзақтығы біркелкі бөлімдер мен бөлмелер топтары желдетудің орталықтанды­рылған ағынды-сору бір жүйесімен жабдықталады.

7.2.24 Құрылымдары аралас және санитарлық-эпидемиологиялық талаптар әртүрлі ғимараттың әр тобы, сондай-ақ жұмыс уақытының ұзақтығы әркелкі бөлмелер үшін желдетудің орталықсыздандырылған жүйесі орнатылады (резервтегі желдеткіштердің саны ҚР ҚНжЕ 4.02-05-2001* сәйкес ескеріледі).

7.2.25 Өрт сөндірудің автоматты жүйелерімен жабдықталған бөлмелерге қызмет көрсететін ағын­ды, тарту ауажолдарында электржетекті, автоматты өрт сөндіру жүйесімен байланыстырылған автоматты тоспалар (қақпақшалар) ескеріледі. Тоспалар ауа­жолы қызмет көрсететін бөлмеге жанаса жақын орна­ластырылады.

7.2.26 Бөлмелердің тарту желдету В санатын­дығы тарту шкафтарымен жабдықталған үдерісте­рімен жүйелері жобаланады:

- орталықсыздандырылған, тарту шкафтарынан әр бөлме үшін жеке ауажолы және желдеткіш бар;

- орталықтандырылған, әр жеке бөлмеден шыға­тын тарту ауажолдары тарту жүйелеріне арналған бөлменің техникалық қабатында орналастырылатын біріккен тік немесе көлбеу коллекторларға бірік­тіріледі.

Тарту желдеткішінің орталықтандырылған жүйесінде ауажолдарының бөлмелерге баратын тарамдарына өртбөгеу қақпақшаларын орнату ескерілген.

7.2.27 Тарту желдеткішінің орталықсызданды­рылған жүйесінде қосалқы бөлмелерді желдетуге арналған В санатындағы үдерістермен қоса жаб­дықтарға қызмет көрсететін жүйе жабдықтарын орна­ластыруды ескеруге жол беріледі.

7.2.28 В санатындағы үдерісі бар бөлмелерде жалпы ағын коллекторларын жобалауға жол беріледі.

7.2.29 Ауасы бапталатын бөлмелерде ауаның есепті температурасы жобалауға берілген тапсырма бойынша жылдың жылы, сондай-ақ суық кезеңіне де қабылданады, ал ауа қозғалысының жылдамдығы 0,15 м/с аспауға тиіс.

7.2.30 Хоспистың басқа бөлмелері үшін ауаның салыстырмалы ылғалдылығы ҚР ҚНжЕ 4.02-05-2001* сәйкес ауаны жылыту, желдету және баптау жобасы бойынша қабылданады.

7.2.31 Ауаны тарту арқылы желдету және баптау жүйелері арқылы берілетін сыртқы ауа сүзгілер арқылы тазартылады.

7.2.32 Сүзгілердің құрылымдалуы мен олардың орнатылған жері тазартуға немесе сүзгі бөлшектерін олардың ластанған кезінде алмастыруға мүмкіндік беретіндей болуы керек.

7.2.33 Тартылатын ауа бойынша ауа алмасудың еселігі сағатына 1,5 және одан да жоғары бөлме­лерде ауа бірден бөлмелерге берілуі керек. Басқа жағдайларда ауаны дәліздерден есіктердің саңылау­лары арқылы беруге болады.

Желдің есепті жылдамдығы 5 м/с және одан да жоғары аудандарда ұйықтайтын бөлмелерде ауаны тежегіштер ескеріледі.

7.2.34 Ауа әлбетте бөлменің жоғарғы тұсына беріледі.

7.2.35 Ағын желдеткіштерінің ауажолдары жүйе­лері болаттан жасалуға тиіс. Құрылыс құрылма­ларында ауажолдары қолданылмайды.

7.2.36 Ағын-тарту желдеткішінің жабдықтары, ауа­ны беру мен шығару құрылғылары, ауа жинау шах­талары мен арналары тексеруге, тазартуға және зарарсыздандыруға ыңғайлы болу керек.

7.2.37 Жылумен жабдықтау жүйелері автоматтан­дырылған жылу бекеттерімен жабдықталады.

7.2.38 Ауаның сыртқы есепті темперетурасы минус 40°С және одан да төмен (Б параметрлері) аудандардағы жылытылатын ғимараттарда суық еден­астының үстінде орналасқан едендердің бетін жылы­ту ескеріледі.

7.2.39 Ауаның сыртқы есепті темперетурасы минус 40°С және одан да төмен (Б парамерлері)  аудандардағы ғимараттарда судың қатып қалуына жол бермейтін қоспалары бар суды пайдалануға болады (жылытудың ашық жүйелерінен басқаларында).

 

7.3. Электрмен жабдықтау жүйелері мен құрылғылары

 

Хоспистардың электрмен жабдықтау жүйелері мен ішкі электржабдықтарында Қазақстан Рес­публикасының аумағында қоладанылатын норма­тивтік құжаттардың талаптары және осы тарау­дың нұсқауларына сәйкес орындалады.

 

Электрмен жабдықтау

 

7.3.1 Хоспистардың келесі электрқабылдағыш­тары электрмен жабдықтаудың сенімділік дәрежесі бойынша бірінші санатқа жатқызылады:

- өртке қарсы құрылғылар, күзет дабылы, лифті­лер және көшіру жарықтандырылуы.

Хоспистердің басқа электрқабылдағыштары екін­ші санатқа және БПЕ-ге сәйкес ішінара үшінші санат­қа жатқызылады.

7.3.2 Сыртқы жарықтандару тораптарын қоса алғанда хоспис аумағындағы барлық электр торап­тары кәбілді түрде орындалады.

7.3.3 Хоспистерде ішкі және жапсарлас трансфор­матор қосалқы стансаларын (ТҚ) орналастыруға жол берілмейді.

7.3.4 Хоспистердің жеке ғимараттары мен ТҚ араларындағы қашықтық 15 м кем болмауы тиіс.

 

Электрмен ішкі жабдықтау

 

7.3.5 Хоспистардың электржарықпен емдеу бөл­мелерінде немесе медицина қызметкерлерінің бір бекеті қызмет көрсететін осындай бөлмелер тобында кіреберісінде басқару аппараты және әр фазада кер­неуді тексеру аппараты бар тарату тақтасы орнаты­лады.

Әрбір рәсім кабинасында еден деңгейінен 1,6 м биіктікте кабина тақтасы орнатылады.

Тарату тақталарына қоректендіру желілері және кабиналық тақталарға топтық желілер дербес жүр­гізіледі.

7.3.6 Палаталарда әр кереуеттің тұсында жерге қосқыш түйіспелі екі полюсті және үш полюсті жинақтамаларымен штепсельді розеткалар орнаты­луға тиіс.

7.3.7 Штепсельді розеткалардың барлық бөлме­лерде орналастырылуы технологиялық тапсырмамен айқындалады.

 

Жасанды жарықтандыру

 

7.3.8 Хоспис бөлмелерін жалпы жарықтандыру қыздыру шамдарымен жүргізіледі.

Палаталарды жарықтандыру үшін әр кереует­тің тұсында еден деңгейінен 1,7 м биіктікте орнатылатын қабырғалық құрылымдамалы шам­далдар (жалпы және жергілікті жарықтандырудың)  қолданылады.

Қосалқы бөлмелерді (қоймалар, лифтілердің машина бөлімдері, электртақталары, теникалық еденасты және т.б.) жарықтандыру үшін люми­несцентті шамдар ескеріледі, сондай-ақ 2 кестедегі  ВҚН 59-88*деректерінде келтірілген жағдайларда.

Қолданылып жүрген ҚНжЕ-ге қосымша есірткі заттарын сақтауға арналған бөлмелерді табиғи жарықтандырусыз жобалауға жол беріледі.

7.3.9 Жалпы жарықтандыру жүйесі жағдайын­да жұмыс бетінің ең төменгі жарықтандырылуы, жарықтандырудың сапалық көрсеткіштері және жеке бөлмелерге арналып ұсынылатын жарық көздері ҚР ҚНжЕ 2.04-05-2002* және 2-кестедегі ВҚН 59-88* сәйкес қабылданады.

7.3.10 Люминисценті шамы бар шамдалдар шуыл деңгейінің ерекше төменін реттейтін қосу-реттеу аппаратымен жинақталады.

7.3.11 Төбелерде орналастырылатын жалпы жарықтандыру шамдалдарының қорғаныш дәрежесі  ІР 20-дан кем болмауы керек.

7.3.12 Дәрігерлердің кабинеттеріндегі кушетка­лардың қасында еденнен 1,7 м биіктікте науқасты қарау үшін қабырғада шамдал орнатылады.

7.3.13 Жалпы жарықтандыру ажыратқыштары палаталарға кіре берісте дәліздерде, ал жергілікті – сырқаттың төсегінің жанында орнатылады.

Түнгі жарық беру шамдалдары апатты жарық­тандыру торабынан жүргізіледі.

7.3.14 Көшіру жарықтандыруы адамдарды көшіруге қызмет ететін дәліздерде, негізгі өтпе­лер мен сатыларда ескеріледі; электр-сәуле ем­деу бөлмелерінде, бассейндерде, сазбен емдеу себезгілері мен ванналарында, ванна бөлмелері мен шешінетін жерлерде.

7.3.15 Саты алаңдарын, ғимаратқа кіреберіс­тегі жарық нұсқамалары бар дәліздерді көшіру жарығын қашықтықтан орталықтандырылған не­месе автоматты басқару ескеріледі: өрт дабылы бекетінің бөлмесінен, немесе кезекші қызмет­керлер бөлмесінен немесе жарықтандыру тақта­сынан.

7.3.16 Шығу бағытын көрсететін «Шығу» жарық нұсқамасы саты алаңшаларына шығаберістерде, дәліздерде, бірінші қабаттан шығатын жерлерде, сондай-ақ қызметтік бөлмелер ретінде пайдала­нылатын үйасты қабаттардан шығаберісте; бөл­мелерден, әкімшілік-тұрмыстық корпустардың шыға­берістерінде және жасанды жарығы жоқ бөлмелер­дің шығаберістерінде ескерілуге тиіс.

7.3.17 Бөлме беттерінің және жабдықтардың күңгірт түстері шағылысу коэффициентін сақтай отыра ұсынылады: төбе - 70 пайыз, қабырғалар - 60 пайыз (үстіңгі жағы) және 50 пайыз (астыңғы жағы), жабдықтар - 35 пайыз, еден-25-30 пайыз.

7.3.18 Құрамалы жарықтандыру жүйесінде жарық режимінің барынша қорғағыш және көру баптылығының аймағын кеңейтетін көз ретінде қыздыру шамдарын пай­далану ұысынылады.  Жасанды жарықтандыру көздері­нің сәулелерін аралыстыруға яғни бөлмені бір мезгілде люминисцентті және қыздыру шамдарымен жарықтан­дыруға жол берілмейді.

7.3.19 Жергілікті нүктелі жарықтандуру шамдалдары көлемі шағын, жарық ағының биіктігі мен бағытын өзгерту мүмкіндігі, түбі берік орнатылған болу керек.

 

Ішкі электр тораптарын орнату

 

7.3.20 Электр тораптарын қорғау автоматты ажырат­қыштармен жүзеге асырылады.

7.3.21 Электр тораптарының сымдары жасырыл­ған ауыстырмалы болуға тиіс.

Ашық сымдар үйасты қабаттардан, еденастында, техникалық қабаттарда, инженерлік қызмет бөлме­лерінде, коммуникациялық шахталарда, ылғалды және асаылғалды бөлмелерде жүргізіледі.

7.3.22 Электрсымдарын өткізуге  болат түтіктерді пайдалануға нормативтік құжаттарда ескерілген ерекше жағдайларда ғана жол беріледі.

7.3.23 Барлық қоректендіретін, тарататын және топтық тораптар мыс және алюмин талшықты сым­дардан болуға тиіс.

Медициналық қызмет көрсету бөлмелерінде ме­дициналық жабдықтар мен аппаратураларды электр қуатымен қоректендірудің бессымдық жүйесі қол­данылады.

 

Электр қауіпсіздігінің сақтандыру шаралары

 

7.3.24 Хоспистерде жерге қосудың (нөлдеудің) келесі түрлері қолданылады:

- қорғаныш нөлдеу, нөлдік жұмыстық өткізгіші және электрөткізгіштің болат түтіктері арқылы жүр­гізіледі;

- нөлдік өткізгішті қайталап жерге қосу, ол бы­лайша орындалады:

а) жерге қосу құрылғысы жол берілетін кедергісі 4 Ом-нан артық емес ғимараттың электр қалқаны кіру-тарату құрылғысының нөлдік шинасына жалғанады;

б) қоректендіру торабында – бесінші оқшау­ланған өткізгішпен, бір жағынан кіргізу-тарату қон­дырғысының нөлдік шинасына жалғанады, ал басқа жағында нөлдік өткізгішті қайта жерге қосудың ар­найы түйіспесіне (шинаға) топтық немесе тарату тақ­тасының астында орналастырылатын жалғанады;

Бесінші өткізгіш қоректендіру торабымен бірге бір түтікке қосылады.

в) топтық және тарату тораптарында – нөлдік өткізгішті қайта жерге қосудың айтылған арнайы түйіспеден (шинадан) қосымша оқшауланған өткіз­гіштен электрқабылдағышқа дейін.

Қосымша өткізгіш топтық немесе тарату торап­тарымен бір түтікте тартылады.

7.3.25 Ғимаратқа кірмедегі әлеуеттерді теңдестіру жүйесі және әлеуеттерді теңдестірудің қосымша жүйесі (қажает болған жағдайда) ППЕ сәйкес жүзеге асырылады.

7.3.26 Жұмысшы жерге қосқышы қажет медици­налық бөлмеге ғимараттың сыртынан, жер астында, кез келген басқа жерге қосқыш құрылғылардан 15 м қашық  орналастырылатын  жол  берілетін  кедергісі 2 Ом-нан аспайтын жерге қосқыш құрылғысы жа­салады.

Жұмысшы жерге қосқышының түйістіргіштерге тарамдары магистральді бөлшектемей қымтырғы­лардың көмегімен орындалады.

 

7.4 Байланыс және дабыл құрылғысы

 

Телефон, бейнетелефон байланысы

 

7.4.1 Хоспистер қалалық және жергілікті телефон байланысымен қамтамасыз етіледі. Дербес АТС ескерілетін жергілікті байланыс абоненттердің саны 80-нен кем болмаған жағдайда ғана ескеріледі.

7.4.2 Келушілер болатын жерлерде, ветюбиль­дерде, сондай-ақ ұйықтайтын корпустарда таксофон­дар ескеріледі. Аруларға арналған бөлмелерде жыл­жымалы телефон аппараттарына арналған штеп­сельдік ұялар ескеріледі.

7.4.3 Телефон байланысының қажеті мен көлемі жобалау тапсырымасында анықталады.

7.4.4 Кезекші дәрігерлердің кабинеттерінен, кезек­ші қызметкерлерден, рәсім кабинеттерінен қабыл­дауды күтіп отырған бөлмелерге тікелей жедел ды­быс күшейткіш байланыс ескеріледі

7.4.5 Палаталарда науқастардың әр кереуетінің басында кезекші медицина қызметкерлерін шақы­руды жүзеге асыратын екітарапты сөйлесу-сигнал құрылғылары ескеріледі.

7.4.6 Хоспистерде қалалық радиотарату хабар­ларының тарату жүйесі ескеріледі.

7.4.7 Сымды байланыс тораптарының науқастар пайдалануы мүмкін розеткалары әр кереуеттің ба­сында ескерілуі тиіс.

7.4.8 Қызметкерлерді өрт туралы хабарлау еске­ріледі.

7.4.9 Хоспистер уақыт аспаптарымен, ішкі сағат­тық жүйелермен жарақтандырылады.

7.4.10 Уақытты есептеудің орталықтандаралған жүйесі ескеріледі. Екінші деңгейдегі сағаттар кезекші қызметкерлердің бекеттерінде, вестюбильдерде, дәліз­дерде және уақытты көрсету қызмет жүргізуге қажет бөлмелерде орналастырылады.

7.4.11 Хоспистерде эфир теледидарының бағдар­ламаларын қабылдауға арналған телевизия қабыл­дағыштарды қосу үшін антенналы-фидерлі құрыл­ғылар ескеріледі. Көрсетілген жүйелерді палата­ларда, бас вестюбильдерде, мекеме басшыларының кабинеттерінде орнату ескерілген.

7.4.12 Кәбілді және спутник телевизия байланы­сының қажеттігін жобалауға берілген тапсырмада анықталады.

 

Инженер-техникалық жүйелерді автоматтандыру және диспетчерлендіру

 

7.4.13 Хоспистердің инженер-техникалық жүйе­лерін автоматтандыруды және диспечерлендіруді жобалағанда электр құрылғыларын орнату Ереже­лерін, автоматтандыру жүйелерін, технологиялық үрдістерді   жобалаудың  нормативтік құжаттарын, ғимараттар мен имараттарды жобалаудың өртке қарсы нормаларын, Қазақстан Республикасының аумағында қолданылатын инженер-техникалық жүйе­лерді жобалау жөніндегі нормативтік құжаттарды және осы нормаларды басшылыққа алу керек.

7.4.14 Хоспистерде келесі инженерлік жүйелер автоматтандырылу мен диспечерлендіруге жатқызы­лады:

- жылумен жабдықтау, жылыту, желдету және ауаны баптау;

- электрмен жабдықтау және  электрмен жарық­тандыру;

- сумен жабдықтау және канализация;

- лифтілер.

7.4.15 Хоспис бөлмелерінде ҚР ҚН 2.02-11-2002 талаптарына сәйкес түтін сезгіштермен автоматты өрт дабылы ескерілуге тиіс.

7.4.16 Өрттің басталғаны туралы хабарлаудың автоматты жүйелерімен жабдықталған хоспистерде өрт басталған жағдайда тарту-шығару желдеткішінің автоматты ажырататын және түтін әкету жүйесін қосатын желдеткіш ескерілуі керек.

Қорғалатын бөлменің мақсатына байланысты таңдау ҚР ҚНжЕ 2.02-15-2003 сәйкес жүргізіледі.

7.4.17 Хоспистерде инженер-техникалық жүйе­лердің қалыпты жұмыс режимінен ауытқуының апат­ты дабылы ескеріледі, егер ондай ауытқулар адам­дардың өміріне қауіп төндіретін болса, жабдықтарды, ғимаратты, имаратты немесе басқа да материалдық құндылықтарды бүлдіретін болса.

Апатты сигнал диспетчер бекетіне шығарылады, диспетчелік бекет болмаған жағдайда – кезекші техникалық қызметкерлердің бөлмесіне беріледі.

7.4.18 Инженерлік жабдықтарды диспечерлен­дірудің қажеті мен көлемі жобалауға берілетін тапсы­рыспен айқындалады.

Диспетчерлік бекет жүктемелердің ортасында орналастырылады.

Диспетчер бекеті жайғасатын бөлме онда кезекші қызметкерлердің тәулік бойы болуына қойылатын талаптарға жауап беруге тиіс.

7.4.19 Хоспитерде палаталарды және процеду­раларды медициналық кислородпен орталықтанды­рылған жабдықтау қарастырылуы  керек.

7.4.20 Улы және есірткі дәрі-дәрмектер сақта­латын қоймалар мен орындар күзет дабылымен жабдықталуға тиіс.

 

8 ӨРТ ҚАУІПСІЗДІГІНІҢ ТАЛАПТАРЫ

 

8.1 Ауруларға арналған палаталар мен оларға қызмет көрсетілетін бөлмелерді жеке корпустарға орна­ластырған жөн немесе оларды өртке қарсы 1 үлгідегі қабырғалармен бөлген жағдайда жеке блоктарға орна­ластыру керек.

8.2 Хоспис ғимаратының өртке төзімділік дә­режесі ҚР ҚНжЕ 2-02-05-2002 бойынша анықталады.

Ғимарат өрттен қорғау құралдарының (ӨҚҚ ке­шенімен) жабдықталуға тиіс және ҚР ӨҚЕ 08-97 та­лаптарына сай болуға тиіс.

8.3 Биіктігі екі қабатты хоспистерде ені кемін­де 6 м ұзын бойы кемінде 2 м ашық лоджиялар жоба­ланып олар өрт болған жағдайда адамдар жина­лып кейіннен көшірілетін, өртке қарсы қабырғалармен бөлінетін шағын бөлме ретінде қарастыру керек.

8.4 Хоспистердің ғимараттарында өрт және күзет дабылдарының автоматты жүйесі ескерілуі керек.

Өрт және күзет автоматтандырылған жүйесінің қа­былдау құрылғылары инженерлік жабдықтардың диспет­черлік бекетінде немесе тәулік бойы кезекшілер болатын кезекші техникалық қызметкерлердің бөлмелерінде орна­ластырылады.

8.5 Автоматтандырылған өрт дабылы, өрт сөндірудің және адмдарға өрт туралы хабарлаудың автоматты қондырғылары ескерілуге тиіс ғимараттар мен бөлме­лердің тізбесі  ҚР ҚН 2.02-11-2002 сәйкес анықтау керек.

8.6 Хоспистардің ғимараттырына өрт қауіпсіз­дігіне қойылатын талаптар ҚР ҚНжЕ 2.02-05-2002 «Ғимараттар мен имараттардың өрт қауіпсіздігі» және ҚР аумағында қолданылатын басқа да нор­мативтік құжаттардың талаптарына сәйкес қабыл­дануға тиіс.

8.7 Хопсистердің ғимаратына жапсарлас ҚР ҚНжЕ 2.02-05-2002 «Ғимараттар мен имараттар­дың өрт қауіпсіздігі» талаптарына сәйкес құрғақ ыстық монша (сауна) салуға жол беріледі.

 

 

 

 

 

 

 

 

 

 

 

 

 

 

 

 

 

1-қосымша

(ұсынылатын)

 

30 ТӨСЕККЕ АРНАЛҒАН СТАЦИОНАРЫ БАР ХОСПИС ҮЙ-ЖАЙЛАРЫНЫҢ

ҮЛГІ ҚҰРЫЛЫМЫ, ҚҰРАМЫ МЕН АУДАНЫ

 

1 - к е с т е